Është ndarë nga jeta drejtori i Institucionit të Ekzekutimit të Vendimeve Penale (IEVP) në Durrës, Etmond Llabani, i cili u emerua ne kete detyre pas skandalit te arratisjes se nje prej te burgosurve.
Ai kishte marrë detyrën në këtë institucion pas arratisjes së Altin Ndocit, duke u komanduar në krye të burgut në një moment të ndjeshëm për sigurinë.
Më herët, Llabani kishte mbajtur edhe detyrën e drejtorit në burgun e Peqinit.
Në janar të këtij viti, pak kohë pasi mori detyrën në Durrës, ai pësoi një hemorragji cerebrale, gjendje që ndikoi rëndë në shëndetin e tij. Pavarësisht përpjekjeve, ai nuk arriti të mbijetojë.
