Një aksident i rëndë rrugor është regjistruar këtë të hënë në Trivolzio, në Itali, ku një autobus shkolle është përplasur me një automjet.
Në autobus ndodheshin rreth dhjetë fëmijë të moshës 6 deri në 11 vjeç, së bashku me shoqërues dhe drejtuesin e mjetit.
Menjëherë pas ngjarjes, në vendin e aksidentit mbërritën gjashtë ambulanca dhe tre automjete mjekësore për të dhënë ndihmën e parë.
Fatmirësisht, asnjë nga fëmijët nuk ka pësuar lëndime serioze. Ndërkohë, drejtuesi 20-vjeçar i makinës raportohet se ndodhet në gjendje të rëndë,
ndërsa shoferi i autobusit ka marrë lëndime dhe është transportuar në spital për trajtim mjekësor.
Autoritetet po hetojnë për të zbardhur shkaqet e aksidentit.
