Të paktën 69 persona humbën jetën, ndërsa 57 u plagosën kur një avion ushtarak kolumbian u rrëzua pak pas ngritjes të dielën, raportoi Reuters, duke iu referuar një njoftimi zyrtar nga forcat e armatosura kolumbiane.
Avioni transportues C-130 Hercules, i prodhuar nga kompania amerikane Lockheed Martin, ishte nisur me 126 persona nga Puerto Leguizamo dhe duhej të fluturonte drejt Puerto Asís, pranë kufirit me Perunë.
Të plagosurit janë dërguar në spital, njoftuan forcat e armatosura kolumbiane. Trupat e viktimave janë dërguar në Bogota, ku do të identifikohen nga ekspertë forenzikë dhe më pas do t’u dorëzohen familjeve të tyre.
Hetuesit ende po punojnë për të përcaktuar shkaqet e aksidentit.