Familja e Selin ka reaguar ashpër ndaj Juelës, duke kërkuar përjashtimin e saj nga gara. Në reagimin e tyre publik, familjarët janë shprehur prerë se “Duhet të përjashtohet menjëherë”, duke e konsideruar sjelljen e saj të papranueshme brenda shtëpisë.
Ky reagim vjen pas një përplasjeje të fortë mes Selin dhe Juelës, ku debatet kanë qenë të ashpra dhe me fjalë të rënda. Në një moment të mëparshëm, situata kishte degraduar deri në ofendime direkte, ku Selina i është drejtuar Juelës me fjalët: “Qëndro larg meje”, duke e shtuar edhe më shumë tensionin mes tyre.
Familjarët e Selinës kanë publikuar edhe pamje (video) për të mbështetur qëndrimin e tyre, duke pretenduar se ajo që është parë është e mjaftueshme për të marrë masa nga produksioni. Ndërkaq, pas kritikave të forta të bëra nga opinionisti Arbër Hajdari ndaj Selin në Big Brother VIP Albania, ka reaguar edhe familja e saj, duke dalë publikisht me akuza të drejtpërdrejta. Në reagimin e tyre, ata e kanë cilësuar Hajdarin si “të palexuar dhe të painformuar”.