Fejohet Blerina, motra e Gjesti, në një moment të veçantë për familjen, ndërkohë që artisti duket më pranë se kurrë rikthimit të shumëpritur në muzikë.
Prej kohësh, Blerina kishte zgjedhur të tërhiqej nga zhurma e rrjeteve sociale, duke preferuar një jetë më të qetë dhe larg vëmendjes publike. Megjithatë, ajo ka ruajtur një lidhje të vogël me ndjekësit përmes Snapchat-it, ku ndan herë pas here momente nga përditshmëria e saj.
Së fundmi, pikërisht aty, ajo ka zbuluar copëza nga jeta e saj personale, duke ndarë momente të ngrohta me personin që i ka fituar zemrën dhe që duket se i ka rikthyer buzëqeshjen.
Lajmi për fejesën u bë publik në një mënyrë interesante. Ishin fansat e Gjesti ata që zbuluan gjithçka, pasi i kishin dërguar Blerinës një buqetë me lule dhe një letër urimi për fejesën. Këto momente ajo vendosi t’i ndajë me ndjekësit, duke konfirmuar indirekt lajmin.
Edhe pse tashmë nuk e fsheh unazën, Blerina ka zgjedhur ta mbajë partnerin larg vëmendjes mediatike. Deri më tani nuk dihen detaje për identitetin e tij apo historinë e tyre të dashurisë, duke e bërë këtë lidhje edhe më misterioze për publikun.