Të paktën 14 persona kanë humbur jetën si pasojë e goditjeve nga rrufetë e papritura nga moti i keq në zona të ndryshme të Bangladeshit, njoftuan zyrtarët të dielën, teksa stuhitë sezonale përfshinë vendin.
Lexo gjithashtu: Reperi Limi ka reaguar publikisht pas publikimit të videos!
Disa persona të tjerë mbetën të plagosur dhe u dërguan në spitalet më të afërta, ku disa prej tyre ndodhen në gjendje kritike.
Ngjarje të tilla janë të shpeshta në Bangladesh, ku çdo vit qindra persona humbin jetën nga rrufetë. Në vitin 2016, autoritetet e shpallën fenomenin si fatkeqësi natyrore, pasi mbi 200 persona vdiqën vetëm gjatë muajit maj, ndërsa 82 viktima u regjistruan brenda një dite të vetme.
Ekspertët theksojnë se rritja e numrit të viktimave lidhet edhe me shpyllëzimin, i cili ka reduktuar numrin e pemëve të larta që më parë ndihmonin në tërheqjen e rrufeve larg njerëzve.
Aksidentet nga rrufetë janë më të zakonshme në periudhën para musoneve, nga prilli deri në qershor, kur temperaturat dhe lagështia e lartë krijojnë kushte të paqëndrueshme atmosferike.